بكتب عن أنثى ، لها ف قلبي
أكتر من عمر الشعر كلام
هى المعشوقة إللى بشوفها
هى العشرة وطعم الأيام
واوصفها غرام وأنا متأكد
إن الإغراء والسحر هراء
لكن اُنثايا إللى ف قلبي
قدرت تملك قلبي بذكاء
خلاتني أكتب
لجميع النسوة واعشقهم
وأشوف ملامحهم ف عنيها
بتقولي جميل وبتتلألأ
وتهل عليا بوسمتها
والضى الكاشف عن شوقها
نازل من فوق وكأنه ملاك
وان كنت انا ها اكتب عن أنثى
ها أكتب من آدم
لخروج الشمس من المغرب
واخلق من عشقي لغة أنثى
يترتل بيها حروف شعري
وكأنه آيات
علشانك انتِ يا حبيبتي
انا شايف كل النسوة نقاء
وكأنك طفلة من الجنة
انجبتي النسوة عشان قلبي
وصنعتي لقلبي ف قلبي مقام
وأنا كلي غرام لو كلمتك
عن نبض الحب واحلامي
والضحكة الطالة من عيونك
والبسمة الناعمة المعسولة
والرقة الذايبة كما السكر
والصوت الهادي ف تنهيدتك
هايشوفوا كلامي كأنه خيال
ماهو أمر محال حد يصدق
أنثى بتعشق عشق حبيبها
كل النسوة وتقول الله

تعليقات الفيس بوك

تعليقات الموقع

اترك رد

الأكثر مشاهدة وتعليقاً

الأكثر مشاهدة

الأكثر إعجاباً

الأكثر نقاشاً

ترتيب أليكسا

%d مدونون معجبون بهذه: